Nüfuzlu araşdırma portallarından olan “Numbeo” 97 ölkə üzrə mobil telefon istifadəçilərinin bir ay ərzində danışıq və 10 GB-dan çox internet üçün mobil operatorlara xərclədiyi vəsaitin həcmini açıqlayıb.
FED.аz xəbər verir ki, portalın araşdırmasına görə, ən yüksək qiymət 56,59 dollar (96,20 manat) Birləşmiş Ərəb Əmirliklərində, ən aşağı qiymət isə 2,30 dollar (3,92 manat) İrandadır.
Portalda qeyd edilən rəqəmlərə əsasən, Azərbaycan region ölkələri arasında mobil telefon tariflərinin (danışıq və internet) ən baha olduğu ölkədir. Belə ki, Azərbaycanda tariflər 12,59 dollar və ya 21,40 manat təşkil edir. Şimal qonşumuzda, yəni Rusiyada qiymətlər 5,08 dollar (8,64 manat) civarındadır.
Digər qonşu ölkələrdə isə vəziyyət aşağıdakı kimidir:
Gürcüstan – 10,68 dollar (18,15 manat);
Türkiyə - 9,01 dollar (15,31 manat);
Ermənistan – 8,81 dollar (14,98 manat).
