UEFA Avropa Liqasının Liqa mərhələsinin II turunun oyunları baş tutub.
Gencexeber.az məlumat verir ki, "Qarabağ" İsveçin "Malmö" klubu ilə qarşılaşıb. Tofiq Bəhramov adına Respublika stadionunda keçirilən matç qonaqların 2:1 hesablı qələbəsi ilə yekunlaşıb.
Oyunda hesabı 15-ci dəqiqədə "Qarabağ"ın hücumçusu Juninyo açıb. Cəmi 4 dəqiqə sonra İsveç təmsilçisinin hücumçusu Erik Botheym fərqlənərək bərabərliyi təmin edib. Görüşün 47-ci dəqiqəsində isə E.Botheym komandasının qələbə qoluna imza atıb.
Qeyd edək ki, Azərbaycan futbolunun qrantı Liqa mərhələsinin III turunda Niderlandın "Ayaks" komandası ilə üz-üzə gələcək. Oyun oktyabrın 24-də keçiriləcək.
