Azərbaycanın "Qarabağ" futbol klubu UEFA Avropa Liqasında İngiltərənin "Tottenhem" komandasına məğlub olub.
Gencexeber.az-ın məlumatına görə, Londonda baş tutan Liqa mərhələsinin I turununun oyunu meydan sahiblərinin 3:0 hesablı qələbəsi ilə sona çatıb.
Görüşün 7-ci dəqiqəsində "Tottenhem" Radu Drequşinin qırmızı vərəqə almasının ardından meydanda azlıqda qalıb. Toral Bayramov isə təyin edilən penalti zərbəsindən yararlana bilməyib.
Matçda hesabı 12-ci dəqiqədə Brennan Conson açıb. 53-cü dəqiqədə Pap Matar Sarr fərqi iki topa çatdırıb. 69-cu dəqiqədə adını tabloya yazdıran Dominik Solanke qarşılaşmada yekun hesabı müəyyənləşdirib.
“Qarabağ” UEFA Avropa Liqasının Liqa mərhələsinin II turunda, oktyabrın 3-də İsveç təmsilçisi “Malmö” ilə qarşılaşacaq. Qarşılaşma Tofiq Bəhramov adına Respublika stadionunda keçiriləcək.
