Şəmkirdə qanunsuz tikintilərlə bağlı müvafiq tədbirlər həyata keçirilib.
Gencexeber.az Fövqəladə Hallar Nazirliyinə (FHN) istinadən məlumat verir ki, Şəmkir Rayon İcra Hakimiyyəti tərəfindən rayonun “Ağ dağlar” və “Kraz yolu” adlanan ərazilərində qanunsuz tikinti işlərinin aparılması faktları aşkar edilərək, bu barədə müvafiq tədbirlərin görülməsi məqsədilə quruma müraciət edilib.
Bunun əsasında FHN-in Tikintidə Təhlükəsizliyə Nəzarət Dövlət Agentliyi tərəfindən Şəmkir Rayon İcra Hakimiyyəti nümayəndələrinin iştirakı ilə həyata keçirilən tədbirlər nəticəsində qanunsuz inşa olunan tikililər sökülüb.
