Tovuz şəhərində bədbəxt hadisə qeydə alınıb.
Gencexeber.az məlumat verir ki, hadisə rayonun "Təzə Bazar" adlanan ərazisində olub. Çilingər sexində baş verən partlayış zamanı iki nəfər – 1992-ci il təvəllüdlü Rasim Sahib oğlu Rüstəmov və 1965-ci il təvəllüdlü Ələddin İsrafil oğlu Quliyev xəsarət alıb.
Yaralılardan Ələddin Quliyevin vəziyyəti ağırdır.
İlkin məlumata görə, hadisə işçilərin yanacaq çənini kəsməsi nəticəsində meydana gəlib.
Həmin yerə Fövqəladə Hallar Nazirliyinin (FHN) briqadası və 10-dan artıq canlı qüvvəsi, eləcə də Tovuz Rayon Prokurorluğu və Polis Şöbəsinin rəsmiləri cəlb olunub.
Faktla bağlı araşdırma başlanılıb.
