"Mahal" MTK-nın qanuni təmsilçisi Rəhimov İlqar Vəliyəddin oğlunun ölkədən çıxışına məhdudiyyət qoyulur.
Pravda.az xəbər verir ki, İ.Rəhimovla bağlı Gəncə Kommersiya Məhkəməsinə müraciəti İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Baş İdarəsi edib.
Mahiyyəti xüsusi icraat - vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlər üzrə icraat (xüsusi icraat) olan iş hakim Ramiq Qələndərzadənin icraatındadır. Məhkəmə baxışı noyabrın 16-da olacaq.
Qeyd edək ki, MTK-nın dövlətə 194 627 manat borcu var.
Xatırladaq ki, "Mahal" MTK 2019-cu ildə Ağsu, İsmayıllı və Şamaxı rayonlarında baş vermiş zəlzələnin nəticələrinin aradan qaldırılması işlərinə cəlb olunub, evlərin təmir, bərpasını həyata keçirib.
