İqtisadiyyat naziri Mikayıl Cabbarov Qazaxdan olan Vətən müharibəsi şəhidi ilə bağlı paylaşım edib.
Gencexeber.az məlumat verir ki, qurumun rəhbəri “X” sosial şəbəkəsindəki hesabında İqtisadiyyat Nazirliyinin keçmiş əməkdaşı, şəhid Asəf Nəsibovun anım günü münasibəti ilə paylaşım edib.
"Torpaqlarımızın işğaldan azad edilməsi uğrunda şücaətlə döyüşərək şəhidlik zirvəsinə yüksəlmiş qəhrəmanımızın əziz xatirəsini ehtiramla yad edirik", - deyə nazir qeyd edib.
Xatırladaq ki, Asəf Nəsibov 25 fevral 1994-cü ildə Qazax rayonunun Qaymaqlı kəndində anadan olub. O, Azərbaycan Respublikasının ərazi bütövlüyü uğrunda 27 sentyabr 2020-ci il tarixdən başlayan Vətən müharibəsində iştirak edib, Cəbrayıl, Qubadlı və Laçın rayonları istiqamətində gedən döyüşlərdə vuruşub və düşmən hücumunun qarşısını alarkən 29 oktyabr tarixində şəhid olub.
