Gəncə-Daşkəsən Regional Təhsil İdarəsinin tabeliyindəki dövlət məktəbəqədər təhsil müəssisələrində vakant olan tərbiyəçi-müəllim vəzifələrinə yerdəyişmə prosesinin qeydiyyatı start götürüb.
Gencexeber.az Gəncə-Daşkəsən Regional Təhsil İdarəsinə istinadən bildirir ki, müsabiqədə hazırda dövlət məktəbəqədər təhsil müəssisələrində tərbiyəçi-müəllim vəzifəsində müddətsiz əmək müqaviləsi ilə çalışan şəxslər iştirak edə bilər.
Qeyri-ixtisaslı tərbiyəçi-müəllimlər yaşayış yerindən asılı olmayaraq müsabiqədə iştirak edə bilməz. Yerdəyişmə etmək istəyən namizədlər 4 oktyabr tarixindən 8 oktyabr tarixinədək linkə daxil olaraq qeydiyyatdan keçmək mümkündür.
Bir vakant yerə birdən çox müraciət olduqda namizədlərə aşağıdakı ardıcıllıqla üstünlük veriləcək:
1) Şəhid ailəsi üzvlərinə;
2) Daha yüksək təhsil pilləsini (səviyyəsini) bitirənlərə;
3) Pedaqoji stajı daha çox olan tərbiyəçilərə;
4) Həyat yoldaşının hərbçi, Vətən müharibəsi iştirakçısı, dövlət qulluqçusu olması;
5) Bütün namizədlər tərbiyəçi-müəllimlərin işə qəbulu müsabiqəsində iştirak edibsə, test balı.
