Gəncədə xəstəxanada dünyasını dəyişən şəxs mədəkiçiltmə əməliyyatı olunmayıb.
Bu barədə Gencexeber.az-a “VMR Estetik” klinikasının rəhbəri Vüsal Həsənov açıqlama verib.
O qeyd edib ki, 31 yaşlı şəhər sakini G.Bayramova ümumiyyətlə əməliyyat olunmayıb:
“Xanım mədəkiçiltmə əməliyyatında dünyasını dəyişməyib. 10 gün öncə bizim klinikada başqa bir həkim tərəfindən onun üzərində yüngül kosmetoloji prosedur keçirilib. G.Bayramova tromboemboliya diaqnozu ilə sentyabrın 28-də başqa xəstəxanada dünyasını dəyişib. Ölümün bizim klinika ilə heç bir əlaqəsi yoxdur. Ekspertizanın rəyi gözlənilir.
Konkret hansı kosmetoloji prosedurun həyata keçirdiyindən məlumatsızam. Bakıdan indi gəlirəm. Bizim klinikada aparılan prosedurların hamısı yüngüldür. Araşdırma aparılacaq”.
Nəzrin Vahid
09:46
Gəncədə əməliyyat olunan şəxs dünyasını dəyişib.
Sentyabrın 21-də Gəncə şəhər sakini 1993-cü il təvəllüdlü G.Bayramova "VMR Estetik" klinikasında liposaksiya əməliyyatı keçirib.
"Unikal"ın əldə etdiyi məlumata görə, 31 yaşlı qadın sentyabrın 28-i ölüb.
Faktla bağlı Gəncə şəhər prokurorluğunda araşdırma aparılır.
