“Kəpəz” Misli Premyer Liqasının 2024/25 mövsümünə 7 məğlubiyyətlə başlayıb. Bu, son 20 ildə ilk belə hadisədir.
Gencexeber.az xəbər verir ki, bu barədə Peşəkar Futbol Liqasının mətbuat xidməti məlumat yayıb.
Startda ardıcıl 7 məğlubiyyət alan sonuncu komanda “Şəfa” olub. Bakı klubu mənfi göstəriciyə 2004/2005 mövsümündə imza atıb.
Azərbaycan çempionatları tarixində ümumilikdə 6-cı dəfə bir komanda mövsümün ilk 7 oyununu xalsız başa vurub. “Şəfa” və “Kəpəz”dən əvvəl Kürdəmir “Şirvan”ı 1992, Sumqayıt “Xəzər”i 1994/1995, “Şəmkir” 1996/1997, Quba “Şahdağ”ı 2000/2001 mövsümündə belə uğursuzluq yaşayıb.
Xatırladaq ki, Gəncəni təmsil edən “Kəpəz” ötən gün “Şamaxı”ya məğlub olub.
