“Kəpəz” PFK növbəti oyun keçirəcək.
Gencexeber.az məlumat verir ki, Gəncəni təmsil edən “Kəpəz” Azərbaycan Premyer Liqasının 9-cu turu çərçivəsində “Neftçi” ilə qarşılaşacaq. Oyunun start fiti Tovuz şəhər stadionunda oktyabrın 4-ü saat 17:00-da səsləndiriləcək.
Qeyd edək ki, “Kəpəz” son 20 ilin antirekorduna imza atıb. Klub cari mövsümdə keçirilən Premyer Liqa oyunlarının hamısında məğlub olub. Komanda turnir cədvəlinin sonuncu pilləsində yer alır.
Xatırladaq ki, “Kəpəz” PFK ev oyunlarını müvəqqəti olaraq Tovuz şəhər stadionunda keçirir. Buna səbəb Gəncə şəhər stadionunda yenidənqurma işlərinin başladılmasıdır. Prezident İlham Əliyev cari ilin aprelin 9-da bu münasibətlə təməlqoyma mərasimində iştirak edib. Stadion 10 hektar ərazidə, UEFA-nın 4-cü kateqoriya standartlarına uyğun və 15 464 yerlik olacaq.
