Xəbər verdiyimiz kimi, Şəmkirdə iki nəfəri cərəyan vuraraq həyatına son qoyub.
“Qafqazinfo” xəbər verir ki, bədbəxt hadisə nəticəsində dünyalarını dəyişən şəxslər - kənd sakini 2008-ci il təvəllüdlü Pərvin Habil qızı Nəsibova və 1993-cü il təvəllüdlü Hümbət İkram oğlu Hümbətovdur.
Hadisə yerinə hüquq-mühafizə orqanlarının əməkdaşları cəlb olunub.
Bildirilir ki, səhər saatlarında Düyərli kəndində evdə yanğın olub və qısa vaxtda söndürülüb. Daha sonra ev sahibi və qohumları, eləcə də Pərvinlə Hümbət evdə təmizlik işləri görməyə başlayıblar. Bu zaman onları cərəyan vuraraq öldürüb.
Hümbət 16 yaşlı Pərvinin bacısının həyat yoldaşı imiş.
11:34
Şəmkirdə bədbəxt hadisə baş verib.
APA xəbər verir ki, hadisə rayonun Düyərli kəndində qeydə alınıb.
Kənd ərazisində iş görən zaman ehtiyatsızlıqdan iki nəfəri elektrik cərəyanı vuraraq öldürüb.
Hadisə yerinə hüquq-mühafizə orqanlarının əməkdaşları cəlb olunub.
