İcra başçısının qardaşının ölümü ilə bağlı təfərrüatlar açıqlanıb.
Cеnublu.аz-ın verdiyi məlumata əsasən, hadisə bu gün saat 15:00 radələrində Abşeron rayonu, Xırdalan şəhərində “AY-MİN” MMC-yə məxsus ət məhsulları istehsalı sexində baş verib. Avadanlığı elektrikli yuyucu qurğu ilə təmizləyərkən fəhlə kimi çalışan 53 yaşlı Habil Böyükağa oğlu Quliyevi elektrik cərəyanı vurub. Nəticədə o, dünyasını dəyişib.
Faktla bağlı Abşeron rayon prokurorluğunda araşdırma aparılır.
Qeyd edək ki, mərhum Goranboy Rayon İcra Hakimiyyətinin başçısı Məhərrəm Quliyevin qardaşıdır.
13:54
İcra başçılarından birinə ağır itki üz verib.
Modern-in məlumatına əsasən, Goranboy Rayon İcra Hakimiyyətinin başçısı Məhərrəm Quliyevin qardaş Habil Quliyev faciəvi şəkildə vəfat edib. Onu elektrik cərəyanı vurub.
Hadisənin dünən baş verdiyi bildirilir.
Qeyd edək ki, vida mərasiminin Habil Quliyevin ata evində - Lənkəran şəhərində olacağı deyilir.
