Gəncədə nasaz və köhnə avtobusların istifadə olunması sakinlərin etirazına səbəb olub.
Bizim.Media bildirir ki, xəttə buraxılmış köhnə, istismara yararsız həmin avtobuslar insanların həyatı üçün də təhlükəlidir. Azərbaycan Yerüstü Nəqliyyat Agentliyinin rəsmisinin sözlərinə görə, regionlarda avtobuslarda sərnişinlərə göstərilən xidmətlərin təhlükəsizlik və keyfiyyət baxımından yüksək standartlara çatdırılması məqsədilə marşrut xətləri təhlil edilir.
O, həmçinin qeyd edib ki, Gəncəyə 18 yeni avtobus gətirilib. 58-60 sərnişin tutumlu avtobuslar 2018-ci ilin istehsalıdır və ekoloji təmiz avro-6 standartlarına cavab verir. Onların yenilənməsi mərhələli şəkildə davam etdiriləcək.
