Gəncə KOB İnkişaf Mərkəzi "Sosial sahibkarlıqda gənclərin rolu", "Rəqabətə davamlı "yaşıl biznes" subyektini necə təsis edək?", "Ətraf mühitin mühafizəsi və ekoloji sertifikatlaşma" və "Sosial sahibkarlıqda risklərin idarə edilməsi və dəyişikliklərə uyğunlaşma" mövzularında maarifləndirici təlimlər keçirəcək.
Gencexeber.az Mərkəzə istinadən məlumat verir ki, qurum tərəfindən göstərilən bütün xidmətlər ödənişsizdir.
"Sosial sahibkarlıqda gənclərin rolu" və "Rəqabətə davamlı "yaşıl biznes" subyektini necə təsis edək?" mövzularında olan təlimlər zamanı KOBİM-in peşəkar eksperti Cəfər Cəfərov aşağıdakı mövzulardan danışacaq:
- Sosial sahibkarlığa gənclərin cəlbi;
- Sosial sahibkarlıqda gənclər hansı töhfələri verə bilər?;
- Sosial sahibkarlıq və gənclər təşkilatlarının fəaliyyətinin qurulması prinsipləri;
- Yaşıl biznes nədir?;
- Yaşıl biznes və perspektivləri;
- Yaşıl bizneslərin bazar payı;
- Bu istiqamətdə beynəlxalq təcrübə.
İlk təlim sentyabrın 21-i saat 10:00-da, ikinci təlim eyni gün 14:00-da olacaq. İştirak etmək üçün (051) 919-60-84 nömrəsi ilə əlaqə saxlamaq və ya gence@kobim.az elektron poçt ünvanına müraciət etmək mümkündür.
Həmçinin, "Ətraf mühitin mühafizəsi və ekoloji sertifikatlaşma" və "Sosial sahibkarlıqda risklərin idarə edilməsi və dəyişikliklərə uyğunlaşma" movzularında da maarifləndirici təlimlər təşkil olunacaq. Təlim zamanı KOBİM-in peşəkar eksperti Cəfər Cəfərov aşağıdakı mövzulardan bəhs edəcək:
- Ətraf mühitin mühafizəsi qaydaları;
- Ətraf mühit və əməyin təhlükəsizliyi;
- Ekoloji sertifikatlaşdırma;
- Sosial sahibkarlıqda risklər və təhdidlər;
- Risk və təhdidlərin idarəedilməsi;
- Baş verə biləcək dəyişikliklərə hazırlıq prinsipləri.
Birinci təlim sentyabrın 22-si saat 12:00-da, ikinci təlim eyni gün 16:00-da baş tutacaq. İştirak etmək üçün (051) 919-60-84 nömrəsi ilə əlaqə saxlaya və ya gence@kobim.az elektron poçt ünvanına müraciət etmək mümkündür.
