Gəncə Dövlət Universitetinin (GDU) Kimya-biologiya fakültəsində "COP29 və Azərbaycan: İqlim dəyişikliyi təhlükəsi" mövzusunda dəyirmi masa təşkil olunub.
Gencexeber.az GDU-ya istinadən xəbər verir ki, tədbirdə COP29 tədbirlər planına uyğun ölkəmizdə aparılan genişmiqyaslı işlərdən və ətraf mühitin qorunması naminə ekoloji maarifləndirmə tədbirlərinin önəmindən bəhs edilib.
Dəyirmi masada biomüxtəlifliyin itirilməsi, torpaqların eroziyası, meşələrin qanunsuz kəsilməsi, havanın, çayların, ümumilikdə ətraf mühitin çirklənməsi, tullantıların qeyri-rasional şəkildə idarə olunması kimi fəsadların qarşısının alınması kimi məsələlərdən danışılıb. Eyni zamanda ətraf mühitdə ekoloji tarazlığın qorunub saxlanması haqqında maarifləndirici video-çarx nümayiş etdirilib.
