Gəncədə qanunsuz tikilən hasar sökülüb.
Gencexeber.az-a bununla bağlı Gəncə Şəhər İcra Hakimiyyətindən məlumat verilib.
Bildirilib ki, həyata keçirilən monitorinqlər zamanı, şəhərin Üzeyir Hacıbəyov küçəsində müvafiq icazəverici sənədləri olmadan tikintisi aparılan yaşayış sahəsi aşkarlanaraq sökülüb.
Müvafiq işlər Gəncə Şəhər İcra Hakimiyyəti yanında şəhərdə tikinti norma və qaydalarına riayət olunmadan aparılan tikintilərin müəyyən edilməsi məqsədilə yaradılan komissiya üzvlərinin, FHN-nin Tikintidə Təhlükəsizliyə Nəzarət Dövlət Agentliyinin Qərb Regional Mərkəzinin, Əmlak Məsələlər Dövlət Xidmətinin Gəncə Ərazi Şöbəsinin və hüquq-mühafizə orqanlarının nümayəndələrinin iştirakı ilə həyata keçirilib.
