2024-cü il oktyabr ayının 1-nə banklar tərəfindən Azərbaycan iqtisadiyyatına kredit qoyuluşları 26 mlrd. 705 mln. 792 min manat təşkil edib və bunun da 793 mln. 527 min manatı Gəncə-Daşkəsən iqtisadi rayonunun payına düşüb.
Trend xəbər verir ki, bu barədə Mərkəzi Bank məlumat yayıb.
Məlumata görə, bu dövrdə banklar tərəfindən verilən ən ucuz kreditlər Bakı şəhərində, ən bahalı kreditlər isə Dağlıq Şirvan iqtisadi rayonu üzrə verilib.
Qeyd edilən dövrdə banklar tərəfindən Bakı şəhərinə verilən ümumi kreditlərin orta faiz dərəcəsi 11.65%, milli valyutada verilən kreditlərinin orta faiz dərəcəsi isə 13.37% təşkil edib.
Hesabat dövründə Gəncə-Daşkəsən iqtisadi rayonu üzrə banklar tərəfindən kredit qoyuluşu 793 mln. 527 min manat təşkil edib. Verilən ümumi kreditlərin orta faiz dərəcəsi 16,97%, manatla verilən kreditlərin orta faiz dərəcəsi 17,22% olub.
Qazax-Tovuz iqtisadi rayonu üzrə isə banklar tərəfindən kredit qoyuluşu 499 mln. 363 min manat təşkil edib. Ümumi kreditlərin orta faiz dərəcəsi 18,44%, milli valyutada verilən kreditlərin orta faiz dərəcəsi isə 18,65%-dir.
Regionlar üzrə kredit qoyuluşları və orta faiz dərəcələri ilə aşağıdakı cədvəldə tanış ola bilərsiniz:
[caption id="attachment_68701" align="alignnone" width="773"]
[/caption]
