Yaşıl Dünya Naminə Həmrəylik ili çərçivəsində Gəncəçayın şəhər ərazisindən keçən hissəsində genişmiqyaslı təmizlik aksiyası keçirilib.
Gencexeber.az məlumat verir ki, Gəncə şəhər Mənzil Kommunal Təsərrüfatı İstehsalat Birliyi və Ekologiya və Təbii Sərvətlər Nazirliyinin yerli qurumları tərəfindən təşkil edilən tədbirdə çayın məcrasında sel sularının gətirdiyi ağac qırıntıları, kol-kos, alaq otları və digər tullantılar yığılaraq ərazidən daşınıb.
Aksiya çərçivəsində çay üzərindəki körpülərin ətrafı da təmizlənib, mövcud zibil qutuları boşaldılıb və ətrafında səliqə-sahman yaradılıb.
