Gəncə basketbol klubu heyətini gücləndirib.
Gencexeber.az Gəncə basketbol klubuna istinadən məlumat verir ki, "sarı-göylər" millimizin üzvü Cəbrayıl Əkbərov ilə anlaşıb. "Cibo" ləqəbli hücumçu ilə mövsümün sonuna kimi müqavilə imzalanıb. 195 santimetr boya malik Əkbərov "Gəncə"də 11 nömrəli formanı geyinəcək.
Basketbolçu komandamız üçün yad sima deyil. Belə ki, forvard 2022/2023-cü illər mövsümündə Nizami yurdunun təmsilçisində çıxış edib. "Sarı-göylər" ilə birlikdə Azərbaycan Kubokunun qalibi və liqanın gümüş mükafatçısı olub. Cəbrayıl ötən mövsümü "Sərhədçi"də oynayıb. "Cibo" Çempionlar Liqasının təsnifat mərhələsinin matçları üçün "Sabah"ın heyətində də yer almışdı.
Xatırladaq ki, "sarı-göylər" daha əvvəl yerli basketbolçulardan Elşad Şirzadov, Maqsud Rüstəmov, Nicat Hüseynov, əcnəbilərdən isə Lavon Holland, Kaan Yıldırımkanlı, Cordan Forbs, Barrel Romelo və Marqus Gilson ilə müqavilə bağlayıb.
