Fövqəladə Hallar Nazirliyinin (FHN) Baş əməliyyat idarəsi və Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsinin birgə təşkilatçılığı ilə Nazirliyin Gəncə Regional Mərkəzində “Beynəlxalq humanitar əməliyyatlarda fəaliyyətin təşkili” mövzusunda seminar keçirilib.
Gencexeber.az-a bu barədə nazirlikdən xəbər verilib.
FHN-in müvafiq yerli qurumlarının əməkdaşları üçün keçirilən seminar zamanı Nazirliyin Beynəlxalq Axtarış-xilasetmə Dəstəsinin üzvləri tərəfindən humanitar əməliyyatlarda iştirakla bağlı təcrübə bölüşülüb, eyni zamanda iştirakçılara qüvvə və vasitələrin beynəlxalq humanitar əməliyyatlara cəlb olunmasının əsasları, planlama, idarəetmə, həyat və sağlamlığın qorunması, xilasetmə əməliyyatlarının icrası zamanı diqqətə alınacaq məsələlər barədə geniş məlumat verilib.
Tədbirin yekununda dəstənin hazırlıq və klassifikasiya dövrünü əks etdirən videoçarx nümayiş etdirilib.
[caption id="attachment_68671" align="alignnone" width="940"]
[/caption]
[caption id="attachment_68670" align="alignnone" width="940"]
[/caption]
[caption id="attachment_68669" align="alignnone" width="696"]
[/caption]
