Dövlət Məşğulluq Agentliyi tərəfindən növbəti əmək yarmarkası Şəmkir rayonunda təşkil olunub.
Gencexeber.az Dövlət Məşğulluq Agentliyinə istinadən xəbər verir ki, yarmarkada 19 müəssisə 122 vakansiya təqdim edib. İş təklifləri iqtisadi fəaliyyət növünə görə, rayonun əmək bazarının tələbatına uyğun olaraq kənd təsərrüfatı, emal, xidmət və istehsal sahələrini əhatə edib.
Qeyd edək ki, müraciət edən şəxslərin CV-ləri işəgötürənlər tərəfindən qəbul edilərək nəzərdən keçirilib, uyğun namizədlər növbəti mərhələyə dəvət ediliblər. Həmçinin tədbirdə işsiz və işaxtaran şəxslər Agentliyin icra etdiyi digər aktiv məşğulluq tədbirləri barədə də məlumat əldə ediblər.
