Gəncədə 20 sentyabr - Dövlət Süverenliyi Günü münasibəti ilə tədbir təşkil olunub.
Gencexeber.az İcra Hakimiyyətinə istinadən xəbər verir ki, tədbir iştirakçıları əvvəlcə Şəhidlər Xiyabanını ziyarət ediblər. Şəhər İcra Hakimiyyətinin başçısı Niyazi Bayramov Şəhidlər Memorial Kompleksi Abidəsi önünə əklil qoyub.
Tədbirdə vətən müharibəsində şəhid olmuş Rəşad Məmmədovun anası Rəfiqə Süleymanova qazanılan qələbənin Azərbaycan tarixinə qızıl hərflərlə əbədi olaraq həkk olunduğu bildirib. Daha sonra vətən müharibəsi və lokal xarakterli antiterror əməliyyatının iştirakçısı, “Rəşadət” ordenli, ehtiyatda olan mayor Mahir Hüseynov çıxışında 44 gün davam edən Vətən müharibəsinin Ermənistan silahlı qüvvlərinin darmadağın edilməsi və kapitulyasiyası ilə nəticələndiyini qeyd edib.
Tədbirin sonunda Müslüm Maqomayevin məşhur “Azərbaycan” mahnısı səsləndirilib.
