Daşkəsən rayon ümumtəhsil məktəbləri arasında "Yaşıl dünya naminə həmrəylik ili"nə həsr olunmuş 6 ümumtəhsil məktəbinin komandaları arasında birincilik təşkil olunub.
Gencexeber.az Gəncə-Daşkəsən Regional Gənclər və İdman İdarəsinə istinadən məlumat verir ki, 2 nömrəli tam orta məktəbin idman zalında keçirilən yarışın məqsədi ekologiyanın və ətraf mühitin mühafizəsinin gənc nəsil arasında təbliği, habelə rayonda voleybol idman növünün inkişaf etdirilməsi, bədən tərbiyəsi və idmanın kütləviliyinin artırılması olub.
Turnirdə oğlanlardan ibarət 8 komanda gücünü sınayıb. 4 nömrəli tam orta məktəbin komandası birinci, 2 nömrəli tam orta məktəbin komandası ikinci, Aşağı Daşkəsən kənd G.İsmayılov adına tam orta məktəbin komandası üçüncü yerə layiq görülüb. Sonda fərqlənən komandalar kubok və fəxri fərmanlarla mükafatlandırılıb.
