Dünya növbəti səma hadisəsinə şahid olacaq.
Report-un verdiyi məlumata əsasən, Drakonid meteor yağışı müşahidə ediləcək. Hadisə 6-10 oktyabr tarixlərində baş tutacaq. Lakin meteor yağışı pik həddinə oktyabrın 8-i çatacaq.
Qeyd olunub ki, mənbəyi Əjdaha (Drakon) bürcündə olduğuna görə bu meteor yağışı Drakonidlər adlanır. Ölkəmizdə Drakonid meteor yağışı bütün gecə ərzində müşahidə olunacaq.
Drakonid saatda cəmi 10 meteor istehsal edən kiçik meteor yağışıdır. O, “21P Giakobini-Zinner” kometinin qoyub getdiyi toz dənələri tərəfindən əmələ gəlir. Kometin Günəş ətrafında bir dövrü tamamlaması təxminən 6,6 il çəkir.
