Gəncədə apteklərdən birində nöqsanlar aşkarlanıb.
Gencexeber.az Azərbaycan Respublikasının Qida Təhlükəsizliyi Agentliyinə istinadən məlumat verir ki, şəhər ərazisində nəzarət tədbirləri baş tutub.
Qurumun əməkdaşları Dədə Qorqud küçəsi, 28 ünvanında fəaliyyət göstərən, “Zakiroğlu” MMC-yə məxsus “Heel” aptekdə yoxlama keçiriblər. Burada qida təhlükəsizliyi sahəsində normativ hüquqi aktların tələblərinin pozulduğu aşkarlanıb.
Belə ki, aptekdə idxal sağlamlıq aktı olmayan və etiketlənməsində Azərbaycan dilində məlumatlar qeyd edilməyən “Şahmerdan” və “Wonderful Honey” əmtəə nişanlı bitki tərkibli məcunların satışının həyata keçirildiyi, həmçinin mütəmadi olaraq müvafiq təmizlik işlərinin aparılmadığı üzə çıxıb.
Faktla bağlı sahibkar barəsində inzibati protokol tərtib edilib. Həmçinin nöqsan aşkarlanmış məhsulların satışının dayandırılması üçün məhdudlaşdırıcı qərar qəbul olunub və uyğunsuzluqların aradan qaldırılması ilə əlaqədar icrası məcburi göstərişlər verilib.
Araşdırmalar davam etdirilir.
[caption id="attachment_66417" align="alignnone" width="300"]
AQTA-dan foto[/caption]
