Gədəbəydə şəhid dəfn olunub.
Bir neçə gün öncə Şuşada Birinci Qarabağ müharibəsində itkin düşmüş hesab olunan şəhid Bilal Qəhrəman oğlu Qəhrəmanovun qalıqlarının tapılması barədə xəbər paylaşmışdıq. Report-un verdiyi məlumata əsasən, şəhidlə Gədəbəy rayonunda vida mərasimi keçirilib.
O, Gədəbəy Şəhidlər Xiyabanında dəfn olunub. Mərasimdə şəhidin doğmaları, Gədəbəy rayon Hakimiyyətinin və rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, Bilal Qəhrəman oğlu Qəhrəmanov 1970-ci il iyunun 1-də anadan olub. O, 4 yanvar 1994-cü ildə Ağdam rayonunun Qarakənd kəndi (“Çeyl” yüksəkliyi) istiqamətində itkin düşüb.
