Dekabrın 1-də Gənclər və İdman Nazirliyi və Azərbaycan Üzgüçülük Federasiyasının birgə əməkdaşlığı ilə “Üzgüçülük hamı üçün” yarışına start veriləcək.
Gencexeber.az-a bu barədə Gəncə-Daşkəsən Regional Gənclər və İdman İdarəsindən məlumat verilib.
Bildirilib ki, yarışda 14 müxtəlif yaş kateqoriyasında hər kəs iştirak edə bilər. Hər yaş kateqoriyasında qalib gəlmiş idmançılar 2025-ci ildə keçiriləcək final mərhələsinə vəsiqə qazanacaq.
Yarışda iştirak üçün 9 yaşdan yuxarı şəxslər https://swimming.mys.az/ link vasitəsilə 27 noyabr 2024-cü il tarixinədək qeydiyyatdan keçə bilərlər.
Yarışlar ölkə üzrə bütün regionlarda 1 dekabr saat 14:00-da başlayacaq.
Sağlamlıq haqqında arayış yarışın ilk günü hakimlər heyətinə təqdim edilməlidir.
