Gəncə-Daşkəsən Regional Təhsil İdarəsinin təşkilatçılığı ilə tədbir baş tutub.
Gencexeber.az Gəncə şəhəri üzrə təhsil sektoruna istinadən məlumat verir ki, burada Gəncə-Daşkəsən Regional Təhsil İdarəsinin müdiri Anar Qədiməliyev, şəhid ailələri, qazi təhsil işçiləri, idarə əməkdaşları, təhsil müəssisələrinin rəhbərləri və müəllimlər iştirak ediblər.
Tədbirdə II Qarabağ müharibəsinin qazisi, “Kəlbəcərin azad olunmasına görə” və “Vətən uğrunda” medalları ilə təltif olunan 44 nömrəli məktəb-liseyin tarix müəllimi Tacəddin Verdiyev və Daşkəsən rayon Gurbulaq kənd ümumi orta məktəbdə riyaziyyat müəllimi çalışmış şəhid “Vətən uğrunda”, “Cəsur döyüşçü” və "Şuşanın azad olunmasına görə" medalları ilə təltif olunmuş Vidadi İsrafilovun atası, həmin məktəbin direktoru vəzifəsində çalışan Vaqif İsrafilov Vətən müharibəsində ordumuzun göstərdiyi şücaətdən bəhs ediblər.
