Gəncəli idmançı Vətənə qələbə ilə dönür. Bu haqda 7 oktyabr tarixində Cüdo Federasiyasına istinadən məlumat veririk.
Portuqaliyanın Odivelas şəhərində cüdo üzrə gənclər arasında dünya çempionatı keçirilib. Burada Nizami yurdunun yetirməsi Vüsal Qələndərzadə ölkəmizi təmsil edənlər arasında olub. O, 73 kiloqram çəki dərəcəsində mübarizə aparıb.
Final qarşılaşmasında Vüsal əlavə vaxtda "seoi-otoshi" fəndi ilə ABŞ təmsilçisi Cek Yonezuka üzərində parlaq qələbə qazanaraq dünya çempionu titulunu qazanıb.
Bu qələbə ölkəmiz üçün son 5 ildə gənclər arasında keçirilən dünya çempionatında qazanılan ilk qızıl medal olaraq tarixə düşüb. Sonuncu dəfə bu nailiyyəti 2018-ci ildə Rövşən Əliyev dünya çempionatında əldə edib.
[modula id="47537"]
