Gəncəli idmançı beynəlxalq turnirdə qələbə qazanıb. Bu haqda 28 mart tarixində Cüdo Federasiyasına istinadən məlumat veririk.
Gürcüstanın paytaxtı Tbilisi şəhərində Böyük Dəbilqə turniri keçirilib. Burada cüdo üzrə millimizin tərkibində Nizami yurdunun yetirməsi Turan Bayramov da çıxış edib.
Təmsilçimiz -60 kiloqram çəki dərəcəsində mübarizə aparıb. Turan finalda Gürcüstan təmsilçisi Giorgi Sardalaşviliyə qalib gələrək fəxri kürsünün ən yüksək pilləsinə qalxıb.
