Gəncədə şagird ABŞ-də ödənişsiz təhsil hüququ qazanıb. Bu haqda 4 iyul tarixində Regional Təhsil İdarəsinə istinadən məlumat veririk.
27 nömrəli məktəb-liseyin XI sinif şagirdi Cəmilə Quliyeva ABŞ Dövlət Departamentinin Təhsil və Mədəniyyət İşləri üzrə Bürosu tərəfindən maliyyələşdirilən FLEX (Future Leaders’ Exchange – Gələcək liderlərin mübadiləsi) proqramının müsabiqəsinə qatılıb. Burada qalib gələn məktəblimiz layihə çərçivəsində 2023-2024-cü tədris ilində Amerika Birləşmiş Ştatlarında oxuyacaq.
Qeyd edək ki, proqramda qələbə qazanan yeniyetmələr 10 ay (bir tədris ili) boyunca ABŞ-də yaşayır və təhsil alırlar. Onların bütün xərcləri Amerikadakı müxtəlif təşkilatlar və məktəblini qəbul edən ailələr tərəfindən qarşılanır.
