Gəncəli idmançı beynəlxalq yarışda medal qazanıb. Bu haqda 3 iyun tarixində Güləş Federasiyasına istinadən məlumat veririk.
Qırğızıstanın paytaxtı Bişkekdə reytinq turniri keçirilib. Burada Nizami yurdunun yetirməsi Jalə Əliyeva uğurlu çıxış edib. Təmsilçimiz 57 kiloqram çəki dərəcəsində 1/4 finalda çinli Kexin Honqa 1:12 hesabı ilə məğlub olub. Amma rəqib finala yüksəldiyi üçün Əliyeva türkiyəli Elvira Kamaloğlu ilə bürünc medal görüşünə çıxıb. O, Elviranı 8:4 hesabı ilə məğlub edib.
Beləliklə, Jalə Əliyeva üçüncü yerə çıxaraq, bürünc medalla təltif olunub.
