Gəncəli şagirdlər Dünya çempionatında Azərbaycanı təmsil edəcəklər. Bu haqda 15 aprel tarixində Gəncə şəhər Fizika, riyaziyyat və informatika təmayüllü liseyinə istinadən xəbər veririk.
Gəncə şəhər Fizika, riyaziyyat və informatika təmayüllü liseyinin 8-ci sinif şagirdləri növbəti uğura imza atıblar. "Develop" komandasının üzvləri Əkbər Bağırov, Eltac Bayramlı və Yaşar Səfərəliyev ABŞ-də keçiriləcək "VEX Robotics" - 2023 Dünya Çempionatında Azərbaycanı təmsil edəcək komandanın üzvləri sırasında yer alıblar.
