Gəncə güləşçisi Avropa çempionatında uğur qazanıb. Bu haqda 1 iyul tarixində Güləş federasiyasına istinadən məlumat veririk.
İspaniyanın Santyaqo de Kompostela şəhərində güləş üzrə U-20 Avropa çempionatı keçirilir. Nizami yurdunun yetirməsi Gültəkin Şirinova burada 53 kiloqram çəki dərəcəsində mübarizə aparıb. O, fransalı Lauri Lesaffreyə (14:4), slovakiyalı Kristina Basixə (14:6) və türkiyəli Emine Çakmaka (4:1) qalib gələrək Avropa çempionatının finalına yüksəlib.
O, son mərhələdə ukraynalı Mariya Yefremova ilə qarşılaşıb. Rəqibinə 0:2 hesabı ilə uduzan Gültəkin Avropa ikincisi olub.
