Gəncəli şagird Amerikada təhsil almaq hüququ qazanıb. Bu haqda 29 mart tarixində FRİTL-ə istinadən məlumat veririk.
Fizika, riyaziyyat və informatika təmayüllü liseyin XI sinif şagirdi Zəhrabəyim Abdullayeva ABŞ Dövlət Departamentinin Təhsil və Mədəniyyət İşləri üzrə Bürosu tərəfindən maliyyələşdirilən 2023-2024-cü il FLEX (Future Leaders’ Exchange - Gələcək liderlərin mübadiləsi) proqramının müsabiqəsinə qatılıb. Burada qalib gələn məktəbli layihə çərçivəsində 2023-2024-cü tədris ilində Amerika Birləşmiş Ştatlarında oxuyacaq.
Qeyd edək ki, müsabiqədə seçilən yeniyetmələr 10 ay, yəni bir tədris ili boyunca ABŞ-də yaşayır və təhsil alırlar. Onların bütün xərcləri Amerikadakı müxtəlif təşkilatlar və məktəblini qəbul edən ailələr tərəfindən qarşılanır.
