Nizami yurdunun fəxrləri Vətənə qayıdıblar. Bu haqda 29 avqust tarixində Regional Gənclər və İdman İdarəsinə istinadən xəbər veririk.
Belarusun Minsk şəhərində II MDB oyunları keçirilib. Burada 2 nömrəli Uşaq-Gənclər İdman Şahmat Məktəbinin yetirməsi Fuad Quliyev muay-tay idman növü üzrə mübarizə aparıb. O, yarışa 54 kiloqram çəki dərəcəsində qatılıb. İdmançımız Vətənə bürünc medalla dönüb.
Bundan başqa, Türkiyənin İstanbul şəhərində keçirilən sərbəst güləş üzrə dünya çempionatı keçirilib. Turnirdə 1 nömrəli Uşaq Gənclər Idman Şahmat Məktəbinin tələbəsi Camal Abbasov 60 kiloqram çəki dərəcəsində mübarizə aparıb. İdmançımız bürünc medala layiq görülüb.
Koreyanın Çunçeon şəhərində keçirilən Dünya çempionatında Gəncə İdman Liseyinin tələbəsi Gültəkin Şirinova iştirak edib. O, 53 kiloqram çəki dərəcəsində mübarizə aparıb. Təmsilçimiz bürünc medal qazanıb. O, həmçinin Yekaterinburqda keçirilən Beynəlxalq Universitet İdman Festivalında qalib gələrək qızıl medala layıq görülüb.
Vətənə qayıdan idmançılara qarşılanma mərəsimi təşkil olunub. Onları Gəncə-Daşkəsən Regional Gənclər və İdman İdarəsinin rəisi İntiqam Hüseynov təbrik edib. Tədbirdə, həmçinin şəhərin idman ictimaiyyətinin nümayəndələri də qatılıblar.
