Gəncəli idmançı beynəlxalq yarışda qalib olub. Bu haqda 1 iyun tarixində Gənclər və İdman Baş idarəsinə istinadən məlumat veririk.
Serbiyanın Belqrad şəhərində cüdo idman növü üzrə Avropa Məktəblərinin İdman Oyunları keçirilib. Burada Nizami yurdunun yetirməsi İlkin Qarayev də mübarizə aparıb. O, 50 kiloqram çəki dərəcəsində iştirak edib.
Təmsilçimiz bütün rəqiblərini məğlub edərək qalib olub. O, qızıl medalla təltif edilib.
Qeyd edək ki, İlkin daha öncə "Təhsil" Respublika İdman Mərkəzinin birinciliyinin və Azərbaycan birinciliyinin qalibi olub.
