Gəncədə daha bir məktəbli ABŞ-də bir il təhsil almaq imkanı əldə edib. Bu haqda 5 iyul tarixində Regional Təhsil İdarəsinə istinadən məlumat veririk.
16 nömrəli tam orta məktəbin XI sinif şagirdi İnarə Quliyeva ABŞ Dövlət Departamentinin Təhsil və Mədəniyyət İşləri üzrə Bürosu tərəfindən maliyyələşdirilən FLEX (Future Leaders’ Exchange – Gələcək liderlərin mübadiləsi) proqramının müsabiqəsində iştirak edib. Burada məktəblimiz qalib gəlib. Layihə çərçivəsində o, 2023-2024-cü tədris ilində Amerika Birləşmiş Ştatlarında oxuyacaq.
Xatırladaq ki, ötən gün 27 nömrəli məktəb-liseyin şagirdinin nailiyyəti barədə məlumat vermişdik.
