19 C
Gence
19 C
Gence

21 yaşında bir çox nailiyyətlər əldə etmiş gəncəli kimdir

Azərbaycanın dünyada yeganə təmsilçisi olan “Deirvlon Technologies” şirkətinin qurucusu 21 yaşlı gəncəlidir. Bu haqda Gencexeber.az 8 yanvar tarixində məlumat verir.

Kamran Qasımov 6 iyul 2000-ci il tarixində Gəncə şəhərində anadan olub. 2006-2012-ci illərdə Mir Cəlal Paşayev adına 39 nömrəli məktəbdə, 2012-2014-cü illərdə Gəncə özəl Türk liseyində, 2014-2017-ci illərdə isə Gəncə İstək liseyində orta təhsilini alıb. O, qızıl medal və qızıl attestatla məzun olub. Daha sonra yüksək bal toplayaraq, Bakı Dövlət Universitetinin tətbiqi riyaziyyat və kibernetika fakültəsinin Kompüter Elmləri ixtisasına qəbul olmuşdur.

Hazırda Kamran Qasımov 2011-ci ildə yaradılmış “Deirvlon Technologies” şirkətinin və Monyo.az-ın icraçı direktorudur. O, həmçinin “Universal Programming Language” script dilinin yaradıcısıdır.

Robot Mütəxəssisi və Hardware elektronikası, iOS İnkişafı, .NET Framework, Android İnkişafı, Süni İntellekt və s. 20-dən çox proqramlaşdırma dilində proqramçı olan Kamranın nailiyyətləri aşağıdakılardır:

  • 2014-cü il İnformatika Layihə Olimpiadasına hazırladığı 3 proqramla – QKNote, Deirvlon Web Browser, LeafChat  v1 (Whatsapp kimi bir çat proqramı) ilə qatılmışdır və qalib olmuşdur.
  • 2015-ci il İnformatika Layihə Olimpiadasına hazırladığı “Deirvlon Education Center” (təhsil sistemini tamamilə elektronlaşdıran, məktəbə şagirdlərin ağır çanta ilə gəlməsini və bir çox digər problemlərin həlli olan 3 proqramdan (Şagird, Müəllim və Müdir) ibarət olan sistem idi) proqramı ilə qalib olmuşdur.
  • Azərbaycanda ilk dəfə keçirilən “Golden Byte” yarışmasında “Mobile Development”  kateqoriyasında “Deirvlon Studio İDE” proqramının android versiyası ilə qalib olmuşdur.
  • 2015-ci ildə “İnformatrix İnternational 2017” öz layihələri ilə ilk yerə layiq görülmüşdür.
  • 2016-ci ildə Azərbaycanda ilk dəfə həyata keçirilən “1-ci Robot Olimpiadası”-da yeni robot və lego dəstləri hazırlamışdır. Burada Kamran Qasımovun komandası hər 3 kateqoriyadan (“Lego Sumo”, “Line Follower” və “Hardware Control”) 1-ci yerə layiq görülmüşdür. Bu uğurdan sonra o, artıq robototexnika sahəsinədə tanınmağa başlamışdır.
  • 2018-ci ildə Qazaxıstanın Almatı şəhərində keçirilən “İnformatrix – Asia” beynəlxalq olimpiadasında Azərbaycanı “Robotics” kateqoriyasında təmsil edən “İstək liseyi”-dəki Kamran Qasımovun şagirdləri dünya üzrə 2-ci yerə layiq görülmüşdür.
  • 2018-ci ildə “Kaspi Liseyi”-dən Kamran Qasımovun şagirdləri ABŞ-da keçirilən “Genius” Olimpiadasında “Robotics” kateqoriyası üzrə dünya üzrə 2-ci yerə layiq görülmüşdür.
  • 2019-cu ildə keçirilən “İnternational İnformatrix” olimpiadasına 19 nəfərdən ibarət bir neçə fərqli kateqoriyada iştirak edən Kamran Qasımovun şagirdləri dünya üzrə 12 bürünc və 3 gümüş medal qazanaraq vətənə qayıtmışdır.
Foto Gencexeber.az
Foto Gencexeber.az
Foto Gencexeber.az
Foto Gencexeber.az

Ən Çox Oxunan