Gəncədə avtomobil yollarından biri çöküb.
Gencexeber.az məlumat verir ki, hadisə şəhərin Gülüstan qəsəbəsi Aydın Nəbiyev küçəsində qeydə alınıb. Belə ki, küçənin əsas avtomobil yolunun bir hissəsi tamamilə yararsız hala düşüb.
Sakinlərin sözlərinə görə, bir müddət əvvəl bu əraziyə su və kanalizasiya xətti çəkilib, ardından qazılan yerə asfalt örtüyü döşənib. Lakin sonradan asfalt örtüyünün müəyyən hissəsi çöküb.
Vətəndaşlar bildirirlər ki, ərazidə hadisənin baş verməsi ilə bağlı xəbərdaredici nişanlar belə quraşdırılmayib. Xüsusən gecə saatlarında ərazidən keçən avtomobillər real təhlükə ilə qarşılaşırlar.
