Xəbər verdiyimiz kimi, Gəncənin mərkəzində tikinti üçün qazılan xəndək zibil poliqonuna çevrilib. Şikayətçilər tərəfindən isə sözügedən problemlə bağlı saytımıza müraciət daxil olub.
Bu barədə Gencexeber.az-a açıqlama verən Gəncə şəhər İcra Hakimiyyəti bildirib ki, Mənzil Kommunal Təsərrüfatı İstehsalat Birliyi (MKTİB) tərəfindən ərazinin təmizliyi nəzarətdə saxlanılır:
“Bu günədək həmin ərazidə müxtəlif vaxtlarda iməciliklər təşkil olunub. Bununla belə, sözügedən əraziyə naməlum şəxslər tərəfindən məişət tullantılarının atılması davam edir. Ərazi xüsusilə də günün qaranlıq saatlarında zibillənir. Əlavə olaraq bildirək ki, Gəncə şəhər MKTİB-nin verdiyi məlumata görə, ərazinin məişət tullantılarından təmizlənməsi üçün sakinlər tərəfindən quruma heç bir müraciət daxil olmayıb”.
