Elm və Təhsil Nazirliyi, Təhsil İnstitutu, Məktəbəqədər və Ümumi Təhsil üzrə Dövlət Agentliyinin təşkilatçılığı, Bakı Ali Neft Məktəbinin ev sahibliyi ilə məktəblilərarası IX Fənn Müsabiqələrinin mükafatlandırma mərasimi keçirilib.
Gencexeber.az-ın əldə etdiyi məlumata əsasən, Gəncə şəhəri 27 nömrəli məktəb-liseyin şagirdi İradə Teymur qızı Aslanova biologiya fənni üzrə gümüş medala layiq görülüb.
Qeyd edək ki, bilik yarışında 6 və 7-ci sinif şagirdləri riyaziyyat, informatika, təbiət, kimya, fizika və biologiya fənləri üzrə biliklərini sınayıblar.
Xatırladaq ki, IX Fənn Müsabiqəsində və Beynəlxalq Fermat Riyaziyyat Olimpiadasında fərqlənməyi bacaran Gəncə məktəbliləri haqqında məlumat vermişdik.
