Bu gün AFFA İntizam Komitəsinin iclası keçirilib.
Qafqazinfo xəbər verir ki, iclasda Misli Premyer Liqasının 12-ci turundakı qayda pozuntuları ilə bağlı qərarlar qəbul edilib.
“Turan Tovuz” – “Qarabağ” matçında “Turan Tovuz”un azarkeşləri tərəfindən pirotexniki vasitədən istifadə edildiyinə görə bölgə təmsilçisi 1500 manat cərimə edilib.
Sözügedən görüş bitdikdən sonra meydançaya kənar şəxslər daxil olduğuna görə “Turan Tovuz” 800 manat cərimələnib.
Bu oyunda “Qarabağ” azarkeşləri tərəfindən sındırılmış 8 ədəd oturacağa görə stadiona dəymiş zərərin “Qarabağ” tərəfindən ödənilməsinə qərar verilib.
“Kəpəz” – “Səbail” oyununda “Kəpəz”in 4 futbolçusu sarı vərəqə aldığına görə klub 700 manat cərimə edilib.
