Mərhum Əməkdar artist Tünzalə Əliyevanın keçmiş həyat yoldaşı Röyal Babayev yenə paylaşımı ilə diqqət çəkib.
Gencexeber.az məlumat verir ki, R.Babayev mərhum aktrisanın İnstaqram hesabının hekayə bölməsində şəkil paylaşaraq tezliklə xanımına qovuşacağını bildirib.
"Tünzalənin bəzi əşyaları var ki, hələ də cəsarət etmirəm toxunmağa. Pulqabısını bu gün açdım, içindən evin açarı və 1 manat çıxdı. Bir anlıq düşündüm ki, səhər qapını bağlayıb işə gedirik, axşam gəlib təkrar açacağıq.
Nə bilim, vaxt dolana qədər hərəmiz birtəhər yaşamağa çalışırıq. Çox darıxıram yoldaşım üçün, bir yandan da günlər elə tez keçir ki... Sanki ona qovuşacağım günlər daha sürətlə gəlir", – paylaşımda deyilir.
Qeyd edək ki, Tünzalə Əliyeva 1973-cü il fevralın 15-də Gəncədə dünyaya gəlib. 90-cı illərdə aktrisa kimi fəaliyyət göstərərək “Toppuş bacı” kimi tanınıb. O, 50 yaşında uzun sürən xərçəng xəstəliyindən ötən il vəfat edib.
Xatırladaq ki, R.Babayev bir müddət əvvəl də analoji paylaşım edərək mərhumun yanında özü üçün məzar yeri ayırdığını bildirmişdi.
