Mingəçevir şəhərində yaşayan tanınmış xanəndə Ramiz Bəşirov bu gün vəfat edib.
Gencexeber.az-ın əldə etdiyi məlumata əsasən, incəsənət xadimi uzun sürən xəstəlik səbəbindən dünyasını dəyişib.
R.Bəşirov Ağdam rayonunun Sofulu kəndindəndir. Ağdam musiqi məktəbinin yetirməsi olub. 1993-cü ildə Ağdam ermənilər tərəfindən işğal olunduqdan sonra ailəsi ilə birgə Mingəçevirdə məskunlaşıb. Mingəçevirdə el sənətkarı kimi tanınıb.
Yaxınları bildirir ki, Ağdamın işğalından sonra R.Bəşirov uzun müddət heç bir məclisdə oxumayıb.
Mərhumun nəşi dəfn olunması üçün Ağdam rayonuna göndərilib.
