Terror zamanı valideynlərini itirən gənc qızın ailə həyatına qədəm qoymasından bir il ötür.
Gencexeber.az məlumat verir ki, Ermənistan silahlı qüvvələrinin Azərbaycanın ikinci böyük şəhəri olan Gəncəni dördüncü dəfə raket atəşinə tutması nəticəsində hər iki valideynini itirən Sevil Əliyeva 2023-cü ildə həyatının yeni səhifəsinə qədəm qoyub.
Dekabrın 8-də Sevil faciə baş verən gecə onu dağıntılar altından çıxaran Talış adlı gənclə ailə həyatı qurub.
Qeyd edək ki, 2020-ci il oktyabrın 11-də hər iki valideynini itirən Sevil və 8 yaşlı qardaşı Hüseyni ana nənəsi himayəsinə götürmüşdü. Azərbaycan Dövlət Aqrar Universitetinin İqtisadiyyat fakültəsində təhsil alan Sevil Əliyeva dördüncü kurs tələbəsidir.
