Gədəbəyin keçmiş deputatı Nazim Bəydəmirlinin barəsindəki hökmdən apellyasiya şikayəti verilib.
Pravda.az xəbər verir ki, Bakı Apellyasiya Məhkəməsində keçiriləcək ilkin hazırlıq iclası noyabrın 14-nə təyin edilib.
Şikayət hakim Faiq Qəniyevin sədrliyi ilə araşdırılacaq.
Qeyd edək ki, Bakı Ağır Cinayətlər Məhkəməsinin hökmü ilə o, 8 il azadlıqdan məhrum edilib.
Hökmdə qeyd edilib ki, N.Bəydəmirlidən 49 min 740 manat tutularaq zərərçəkmiş Mürsəl İbrahimova ödənilməlidir.
N.Bəydəmirli ötən il həbs edilib. Ona qarşı Cinayət Məcəlləsinin 182.2.4-cü (xeyli miqdarda əmlak əldə etmək məqsədilə hədə-qorxu ilə tələb etmə) maddəsi ilə ittiham irəli sürülüb. İş üzrə iki nəfər zərərçəkmiş qismində tanınıb.
Qeyd edək ki, Nazim Bəydəmirli 2005-ci ildə Azərbaycan Milli Məclisinə seçkilərdə 104 saylı Gədəbəy - Tovuz seçki dairəsindən müstəqil namizəd olaraq millət vəkili seçilib.
