Tətil və bayram günlərində meşə fondu torpaqlarında 195 min ağac əkilib.
Gencexeber.az Ekologiya və Təbii Sərvətlər Nazirliyinə istinadən məlumat verir ki, meşəbərpa tədbirləri bayram və tətil günlərində də davam edib.
Bildirilib ki, Respublikanın bir çox ərazilərində olduğu kimi Göygöl, Goranboy, Gədəbəy, Daşkəsən və Tovuz rayonlarının meşə fondu torpaqlarının açıq və seyrək sahələrində ağacəkmə tədbirləri aparılıb.
Ümumilikdə 125 hektar sahədə 195 min ədəd müxtəlif növ ağac tingi əkilib, 4 tondan artıq toxum səpilib.
Qurum qeyd edib ki, hazırda ölkənin bütün regionlarının meşə fondu torpaqlarında meşəbərpa tədbirləri davam edir və hər bölgənin iqlim şəraitinə uyğun Meşə Təsərrüfatı Mərkəzlərinin tinglik sahələrində yetişdirilən müxtəlif növ ağac tingləri əkilir, toxumlar səpilir.
