Milli Hidrometeorologiya Xidmətinin noyabrın 27-si saat 9:00-a olan məlumatına əsasən, əvvəlcədən xəbər verildiyi kimi ölkə ərazisində yağıntılı hava şəraiti davam edir.
Gencexeber.az-a Xidmətdən verilən məlumata görə, dağlıq ərazilərə qar yağıb, yağan qarın hündürlüyü Gədəbəydə 2 sm olub. Qazax-Gəncə bölgəsində 6-17 mm-dək yağıntı qeydə alınıb.
Sarı xəbərdarlığa uyğun olaraq şimal-qərb küləyi əsib, küləyin sürəti Goranboyda 19 m/s-dək güclənib.
Daşkəsən, Göygöl, Gəncə, Şəmkirdə duman müşahidə olunub. Dumanda görünüş 200-500 metrədək məhdudlaşıb.
Havanın temperaturu Aran rayonlarında 11 dərəcəyədək isti, dağlıq rayonlarda isə 2 dərəcəyədək şaxta qeydə alınıb.
